La parola alla... "mafia"!!!

Baciamo le mani... Zu Totò...

Sugnu ca... picchi l'amici vulissuru sapiri comu sana cumpurtare pe prossime elezioni...???

Cia diri ie carusi ca na stari tranquilli, cu tuttu du burdello ca stanu facennu da' supra... vincemu sempre nuatri!!!

U "Pd" si sta spattennu, Grillo... sì è veru, voti ni scippa assai, ma pi putiri cummannari n'abbastunu, ie pi' ultimu... c'è u Cavaleri, chiddu... comu sempri, siccatta tutti sti morti di fami ca ci furriunu ntornu...

A fini, ci pinsamu nuoatri a mittilli tutti d'accordu... na seggia ca... na seggia da e su tutti felici e cuntenti!!!

Nuoatri ni pigghiamu l'appalti, facemu pavari a tutti, non ni facemu sentiri... stamu tranquilli e ni futtemu i soddi do stato...

Chiddi tantu... no sanu can'a fare... furriunu tunnu tunnu... com'i trottole e n'du furriari... si fanu futtiri sempre!!!

Nanu caputu ca nuoatri sapemu i so mossi prima ca i fanu... picchi c'è sempre quaccuno ca n'avvisa... gente "insospettabile"... a virirli parunu boni, ma appartenuno a nuatri... comu si rici... a famigghia!!!

Zu totò... ma cu su... sti cristiani???

Beddu... tu si me niputi... ma pi ora, sti cosi, non ti pozzu riri... i nomi su segreti; chissà forsi un ghiornu ti putissi macari diri, ma pi ora, menu sai iè megghiu è... anzi ta stari mutu e pipa!!! 

Allura è già tutto pronto... si sapi cu vinci e cu perdi...

Cettu... infami ca nanu tradutu perdunu sicuramente, ma chiddi ca nanu statu vicinu... chiddi sì sapi già... ca vinciuni!!! 

Zu Totò... ma non ci può iessere comu ndo palluni na surprisa???

Ni stu ioco... non ci'ne surprisi, tutto iè calcolato, picchi magari l'albitru iè u so putteri su a nostru favuri...

Tranquillo... chi ti rissi... a stare calmu, ie poi u sai, ci su l'amici, i politici, l'imprenditori, l'avvocati nostri ie i so cristiani intra i tribunali... nuatri sapemu sempre tuttu... ie prima!!!

Ed è picchistu ca vincemu sempre, iè picchistu ca governamu sta terra da rucentu anni... e l'autri ni fanu sulu u baffu!!!  

Nuoatri, non tu scurdari mai... semu a "mafia" e non putemu perdiri... si ogni tanto ni fanu dannu, ma chi po' ghiessiri cu tutti i soddi c'avemu... N'accatamu a tutti e se a quacchiruni non ci piaciemu o i nostri piccioli non ci piaciunu, allura significa ca ciarrialamu quacchi autra cosa... 

Zu Totò, iu... però sta cosa cillaia diri: a mia, stu movimentu dei cinqu' stiddi mi piaci assai... e poi c'è du beppe grillo ca mi fa' arriri... ie i so cristiani mi parunu carusi appostu...

Si vabbè putissi esseri... ma quannu i cristiani volunu un postu pi iddi o pe so figghi unni vanu a tuppuliari, quannu hannu problema personali a cu cercunu, cu è ca ci risovvi... quannu sana fari n'intervento nd'ospedali unni è ca vanu... si bolunu a pensione o na casa popolare, chi fanu??? A du puntu u comicu... a cu fa arririri???

Comu si rici "su i macchiruni c'allincunu a panza"... ie oggi i macchiruni semu nuoatri, no iddi... 
Eccu picchi vincemu... picchi nuotra putemu promettere ie forsi facemu... l'autri non ponu fari nenti... sulu chiacchiri!!!

U capisti caru niputi comu funziona... ora però l'assimi ripusari ca sugnu stancu... dumani ie nautra iurnata e aiu ancora tanti cosi di sistimare...

Buonanotte Zu totò... buonanotte niputi caro, ie chiurimi a luci!!!